Worldview Fig.3

1. Sa'ad nan nangngatuway lid'ong ipailana nan kidkidchuna.

Nan kidkidchu mama''ila gway sija nan ininon nan taku man'uti isun nan ininonay mansilup, manadchayan, manapapat ancha uchum pay.

1. Sa'ad nan mi'adgwaay lid'ong ipailana nan ukali ta'u.

Annaja nan o'oon ta'u kapu tan sija nan inggwa'inggwan nan chacha''or ta'u. Annaja nan o'oon ta'u kapu tan sija nan tinuttuwa ta'uway ustu gway sija nan anan chanan chacha''or ta'u. Sija nan kapuway sawhali ta'u san uchumay tribu. Sa'ad nan ininon ta'uway iHuthut gway mangilhon san natoy ta'u sawhali hos san ininon nan iMindanao gway mangilhon san natoy an chicha. Sa'ad nan ininon nan iHuthut gway mangasagwa gwinnu mangipacha'or san ana'cha sawhali hos san ininon nan Mali'anu. Annaja nan ukali ta'u.

1. Nan nangkakagwaay lid'ong

Nan kapuway kama nan Mali'anu gwinnu iHuthut gwinnu iBisaya na'aya'ayasi nan manggwacha san ukali kapu san agwad san chayo' nan lid'ong. Nan nangkakagwaay lid'ong sachi nan mangipaila san ininon nan mangipatokan nan osa taku san osa whanag, sachi hos nan pinatin nan osa taku gway iwhilangnaay tuttuwa gwinnu ustu ja pinati nan osa taku gway iwhilangna gway agwan nan umapotana. Sa'ad nan ukalin nan osa taku nerpu san nangkakagwaay lid'ong.

Nan agwatna:

1. Nan osa taku ichulinna nan pila'na kapu yakay san whayugwona ila'u san kangsa. Kaman? Kapu tan sachi nan impatogna. Sija nan sinomsomo'naay napatog nan agwad kangsana.
2. Nan manasagwa whayugwoncha mansonga kapu tan sija pinaticha nan sa'ad nu ooncha songa maatchanchas ana'.
3. Nan osa taku mansicha nu nasa'it nan ana'na kapu tan sachi nan pammatina gway ma'aan nan sa'itna ja mayagsa'an nan ayan.
4. Nan osa taku mitapi humayus san hursu kapu san mangipatokana san huhuyunna tribu.

Return to Table of Contents