Nan auullitan chanan nerpugwan nan iHuthut. Sa'ad nan ummuna nerpugwancha ili, ma'gwaniyon Astan gwon maid kus sana. Ummachucha kun nansiyancha gwot nangngachan chugwa tribu gway Huthut ja Torkaw.
Ad nan ummiliyan nan iHuthut Onga' ad sa sana Hohoyoy. Ummachucha kuhos ummoycha nangilas chummayaitancha kun opat nan inilacha gway Lu'ung, Hugnay, Hos'ayan ja Ngiwhat. Nannachaja wherju sa'up nan munisipjun nan Tongyajan.
San tagwon gway 1970s illukin nan iHuthut gway ummoy nangkajun san uchumay ili ad lakud gway ad Tabuk ja Rizal kapu san inaa'it ja ina'uyang nan mangallanchas anoncha. Malluki sa sachi nawhangon nan gwayuway wherju/barangay ad lakud. Ta'on nu nangkajuncha san achaju ili achi kun nabos nan ukalicha, apapatcha ja napigsaay urnuscha.
