Whasaon nan Exodo 19:3-6
Pangkop Apudyus an Sasan iJisrael
“Inawagan ni Yahweh ni Moises manipud iti bantay ket imbagana kenkuana ti sawenna kadagiti Israelita: “Nakitayo ti inaramidko kadagiti Egipcio ken no kasano ti panangawitko kadakayo---kaslaak la agila a nangitayab kadagiti sibong a nangipan kadakayo ditoy. Ita, no agtulnogkayo kaniak ket salimetmetanyo ti tulagko, dakayonto dagiti tattaok. Kukuak ti entero a daga, ngem dakayto dagiti napili a tattaok, tattao a naikonsagrar nga agpaay laeng kaniak ket agserbikayonto kaniak a kas papadi.” Exodus 19:3-6
Imus 1: Ngachan nan maagwatanju san anan Apudyuson Israel nan pinilina as takuna?
Sungwhat: Umma'allasicha sasan uchumay ili gway pinilin Apudyus chicha as takuna.
Imus 2: Ngachan nan whayugwona anan nan “naikonsagrar nga agpaay laeng kaniak”?
Sungwhat: Nilasinay ili gwinnu inagwakan Apudyus chichas maid whersucha.
Imus 3: Ngachan nan maserpun nan ijIsrael tot ma'gwacha as papachin Apudyus?
Sungwhat: Patiyonchas Apudyus ja losanay whilinna.
NAN PAPACHIN APUDYUS CHICHA NAN MANSASA'USA' SASAN TAKU AN APUDYUS
Whasaon nan Malakias 2:7
Maserpu merpu san tupo' nan pachi nan mangakammugwan mipangkop an Apudyus tot sa'ad nan taku maakammugwancha nan lintog Apudyus. Nan pachi chicha nan wha'wha'unon Apudyus gway mangiwhagwhaka san ukudna ja chicha nan mampatudtuchugwan chanan taku.
Imus 1. Ngachan nan maserpu oon nan pachi gway mangisakana san longagna tot ma'gwana nan ingwhakan Apudyus gway oona?
Sungwhat: Maserpu mapnu nan somsomo'na mipangkop an Apudyus ja san lintogna.
Imus 2. Kaman napatog san pachi gway maserpu pun'gwona nan somsomo'na san ukud Apudyus?
Sungwhat: Kapu tan sa'ad nu maid akammuna san ukud Apudyus maid ininonaay mantudtuchu sasan taku.
Imus 3. Nu achin nan pachi pun'gwon nan somsomo'na san ukud Apudyus ngachan nan ma'gwa?
Sungwhat: Mampatingkas sija ad maid kun mamati san ana'anana.
Whasaon ta'u san 2 Corinto 5:18-20
As Apudyus nan nanggwa losan san annaja. Kapu an Kristu nanulinona cha'ami an Sija. Inatodna an cha'ami nan terwhasuway mangipasubli sasan taku an sija. Annaja nan tudtuchumi, nanulinon Apudyus an Sija nan losanay taku kapu an Kristu. Achin kun Apudyus sosom'on nan whersucha, sija nan inatodna an cha'ami nannaja terwhasu tot ipaakammumi nu ininon nan manulinancha an Apudyus. Ad anna ami niwhaun as mangipaakammu san mipangkop an Kristu. As Apudyus mismu nan mangayayu' an cha'ajuway chongyonju nan iwhakami. Ad kapu san ngachan Kristu, ipa'pa''aasi' an cha'aju ta manulin aju an Apudyus!
Imus 1: Ngachan nan anan Apudyus gway itudtudchun nan namati sasan uchumay taku?
Sungwhat: Itudtudchuchaay nanulinon Apudyus an Sija nan losanay taku kapu an Hesu Kristu.
Imus 2: Ngachan nan whayugwona anan nan mipagkulinta asin an Apudyus?
Sungawhat: Mipagkulin nan ma'ahubuyunan/relasjun an Apudyus kapu an Hesu Kristu.
Imus 3: Ngachannaay terwhasu nan manisugwan nan pachi san agwi ja san namati san sana?
Sungwhat: Manisucha gway mansasa'usa' san taku an Apudyus gway chicha nan mangilugwayu sasan taku an Apudyus ja mansuyu san ukudna..
Whasaon nan Salmo 67:1-2
Imus 1: Ngachan nan lugwayun Dabid? Ngachan nan ochagwon Dabid an Apudyus gway oona sasan takuna?
Sungwhat: Illugwayun Dabid nan bindisyun Apudyus kapu san achakuna.
Imus 2: Ngachan nan maagwatana san terwhasuna as osa takun Apudyus?
Sungwhat: Sija nan mangiwhagwhaka san ukud Apudyus san intilu luhung.
Imus 3: Ngachan nan tudtuchuway whayugwon Dabid iwhaka san losanay taku san luhung?
Sungwhat: Mipangkop san matakuwan ja ingkaingkanaay pangkop Apudyus.
Imus 4: Nu namati ta'uway pinilin Apudyus as chita'uway pachina ininon ta'uway mangi'gwa sannajaay bersikulo san whijag ta'u?
Sungwhat: Chita'u san sana ipaakammu ta'u hos nan ukud Apudyus sasan chaan mamati an Hesus.
Whasaon nan Salmo 9:11; 18:49;22:27;45:17;57:9;86:9;105:1
Imus 1: Ngachan nan whilin gway niwhaka sannaja Salmo? Ngachan nan niwhilin sasan takun Apudyus gway ooncha?
Sungwhat: Chajagwonchas Apudyus kapu san an'anta ja sa'ad nan niwhilin sasan takuna ipaakammucha nan ngachan Apudyus san ailiili.
Imus 2: Agwanna sannaja Salmo nan niwhagwhaka gway oon Dabid gway manajaw an Apudyus? Ngachan nan niwhawhagkaay oona?
Sungwhat: Agwad san Salmo 45:57. I'an'antana as Apudyus san losanay ili tot somsom'nchas sija.
Imus 3. Ngachan nan ingwhakan Apudyus sannaja Salmo gway ma'gwa nu ikadto' ta'u mangiwhaka san mipangkop san mataakanay inggwana?
Sungwhat: Losanay mangngor mamaticha an Apudyus ad chinaychajawchas sija.
