Nan Takuway Mangip'ip
Sa'ad anu chay mangip'ip wha'sigwot anu ka taku. Maid anu mawhalinna anon tan sija anu umoyna ayaayan nan inip'ipanas ila'uya'unas anona. Manggwa ku anu ummoyna anu iyaachug sa whatu. Umoyna uuyyungan nan ma'na sa ukatna. Mallogyog anu sa nappog. Mallogyog ku anu maagka nanungninot maotchag na ukkungna. Umoyna anu lotpon kun nanapya' anuwot tuma'chang ku anu, nammoma anu, asin ku anu lumtop ummoy ad chayo'.
Inchasana hoyoy ad chayo' sa chanum. Whawhalluwan anu ka hoyoy.
Ku anna anu osa madan. Anana anu, "Tu'chu'as saat tan mangayaa' as anonta." Mangancha anu sa itlug ja manu'. Nappung anu mangan chay mangorrag.
Anana anu: "Awnit ugwaa' nan uppignu. Sa'ad nannaja uppig achim hu'hu'atan. Sa'ad nu i'ad ugwaju mamperti as manu' asin ad mawhikat ad mamperti as hoyo' ad asimot hu'atan."
" Agwamma ajo' nu'?"
Anan anu chay madan, "Man'imit'a."
Nan'imit anu say iningkagwana, hummu'nag ku anus ugwacha. Anana anu san asagwana, "Ischata manu'ta." Mawhikat kun namperti hos sa hoyo'. Whin'atana ku anu chay uppig nayagsa' anu tan hongor anu gway napnu. Sija anu ila'uya'unas anoncha kun humma'nagcha anu.
Isi'si"im anu nan cherragcha kun inilana anu nan nantata'jad gway iyongong nan asagwana nan hongor a'erjad. Anana anu, "Isuyum nu agwanna nangallam." Ku ummoy hos na cherragcha.
Mansubli san: Chanan Uullit ad iklikju nannaja
