A. Nan Mipangkop an Apudyus
Whasaon nan Salmo 102:24-27; Salmo 148:2-6 Isaias 57:15; Hebreo 13:8
Imus 1a: Ngachan nan akammuju san nerpugwan Apudyus? Ngachan nan inggwana?
Sung: Maid kun lukina ja maid kun pungpungna.
Sija nan nanggwa san losan.
Whasaon nan Gen. 1:4, 10, 12, 18, 21, 25
Imus 1b:San lugluki, ngachan nan isun nan luhung gway inggwan Apudyus?
Sungwhat: Whayu as amod
B. Nan Mipangkop sasan A'anghel
Whasaon nan Heb. 1:14, Col. 1:16
Imus 2: Ngachan nan naakammugwanju mipangkop sasan a'anghel sannaja bersikulu?
Sungwhat: Mudchachun Apudyus chanan a'anghel
Inggwan Kristu chanan a'anghel
Whasaon nan Job 38:4-7
Imus 3: Ngachan nan o'oon chanan a'anghel san na'gwaan nan luta?
Sungwhat: Nanchaychajawchaay mampa'uy san lagsa'cha.
Whasaon nan Aramid 8:26, 10:3-8, 22, 27:23-24; Lukas 1:19, 26-27
Imus 4: Ngachan nan terwhasuway o'oon chanan a'anghel?
Sungwhat: Whawha''unon Apudyus chichaay mangiwhaka san ukudna.
Whasaon nan Paltiing 19:10, 22:8-9; Galacia 1:8
Imus 5: Ngachan nan whilin gway achi ta'u oon ssaan a'anghel? Mawhalinay ma'gwa uyay sasan ummoy nichoka san mantuyajan nan manghulingot?
Sungwhat: Achi ta'u kun chajagwon chanan a'anghel tan isu ta'u chicaay mudchachun Apudyus. Achi kun mawhalinay ma'gwa.
C. Ingkagwan nan Taku
Whasaon nan Gen. 1:26-27
Imus 6: San nanggwaan Apudyus san taku, ngachan nan isucha ja ngachan nan whijangcha?
Sungwhat: Isucha as Apudyus. Umachucha ad pinnucha nan luta. Ituyajancha nan i'an, mammanu' ja losanay mawhiwhijag gway inggwan Apudyus.
