Nawhijag as Moises san lummaus nan 500 gway tagwon san nerpas natoy as Abraham. Nerpas mummangorag as sija san nangiwhaunan Apudyus an sija gway umoy mangipayagwa sasan ijIsrael ad Ejipto ad nana''ulincha ad Canaan. Sa'ad nan aman nan losanay ijIsrael as Jacob gway apun Abraham. San chimpun nan uyat ad Canaan, whinurnan Jacob nan ahumerjanna gway ummoy ad Ejipto kapu tan angsan nan ma'an ad achi.
San nangipangugwan Moises sasan ijIsrael gway umoy ad Canaan, nampaila as Apudyus an Moises san Whilig gway Sinai kun ingwhakana sasan takuna nu ngachan nan oonchaay manchatun an sija.
Anna nan lima ayasin nan ininonchaay manchatun gway ingwhilin Apudyus an chicha san agwi:
- Manjamanancha an Apudyus san tuyungna
- Ma'ahubuyunancha an Apudyus -ooncha nannaja tot mangipailaay whayugwonchaay whayu nan ma'ahubuyunancha an Apudyus.
- Manchatuncha tot ma'aan nan wha'on kus ingkakayaay whersu
- Mangwhajad san inggwacha gway lagwing gwinnu utangcha an Apudyus
- Mangwhawhagwiyancha san whersucha tot ligwatan Apyudyus nan whersucha
- Nan ininoncha manjaman an Apudyus (Lev 2:1-4; 6:14-16)
Imus 1: Ngachan nan ingwhakan Apudyus sasan takuna san agwi gway ichatuncha as manjamancha an sija?
Sungwhat: A''itanay alinan nan trigo'
Imus 2: Ad puuyancha nannaja chatuncha?
Sungwhat: Puuyancha nan chokana ad impa'ancha san pachi nan chokana.
Imus 3: Kaman ichatuncha nan trigo ja alina ja tinapay an Apudyus?
Sungwhat: Manjamanancha an Sija.
-
Ma
'
ahubuyunancha an Apudyus (Lev 3:1-5; 7:11-15)
Imus 1: Ngachan nan ingwhakan Apudyus sasan takuna san agwi gway ichatuncha tot ipailacha gway whayugwoncha ma'ahubuyun an Sija?
Sungwhat: Ajam gway maid kun sa'itcha
Imus 2: Ngachan nan mangtoy san ajam gway michatun an Apudyus?
Sungwhat: Nan takuway mangichatun.
Imus 3: Ngachan nan ooncha san chayan nan ajam?
Sungwhat: Isapakit nan pachi san losanay chingching nan chachattunan.
Imus 4: Ngachan nan ooncha san ischa?
Sungwhat: Ahus nan napiliyay ischa as mapuuyan ad nan chokana anon na pachi ja nan manchatun.
Imus 5: Ngachan nan agwad san somsomo' nan takuway nangichatun san chatunna?
Sungwhat: Tot payagsa'onas Apudyus ja whayu nan ma'ahubuyunana an Apudyus.
-
Wha
'
on Kus Ingkakayaay Whersu (Lev 4:1-14, 27, 28, 32, 35; 5:7, 11; 6:24-26)
Imus 1: Ngachannaay ajam nan ichatun nan taku an Apudyus san wha'on kus ingkakayana whersu inggwana?
Sungwhat: Ajam gway maid sa'it gway punnorpunnor. La'i wha'a nan ichatun nan pachi, erching gwinnu kernero sasan uchumay taku ja kalapati gwinnu whayug sasan whawha'sigwot.
Imus 2: Ngachan nan oon nan taku san chatunna? Ngachan nan mapuuyan san pagway nan turcha?
Sungwhat: Ijoyna nan ajam tot maperti san chachattunan an Apudyus. Mangimpittugwoncha isapakit nan chayan nan ajam san sangun nan kurtinan nan chachattunan. Puuyancha nan mapiliyay chokan nan ischa ad inischan nan pachi nan chokana ad sa'ad nan uchum puuyancha san pagway nan chachattunan.
Imus 3: Ngachan nan kapun nan manchatunancha?
Sungwhat: Tot machayusancha san whersu inggwacha.
Sa
'
ad nan chatun nan Hebreo san whersu sija nan mangipa
ila gwinnu mangipasmo
'
san mangichatunan Hesus san longagna.
A. 1. Kernero: nan kernero maperti tot aanona nan whersun nan taku (Lev.4:32)
2. Hesus: naagwakan as Hesus as kernero gway mangaan san whersun nan taku. (Juan 1:35-36)
B. 1. Chayan nan Kernero: igwersin nan angatuwanay pachi nan chayan nan kernero san chachattunan. Nan angatuwanay pachi mamingsanna ilno' nan chayan nan chatun san osa tagwon san ugwertu gway ma'gwaniyon Amod Nat'on as Ingkagwan Apudyus gway chachattunan ad inatodna an Apudyus. (Lev.16:2-3, 14-16)
2. Chayan Hesus: ummoy as Hesus an Apudyus tot ichatunna nan kadto' gway chayana ta ma'aan nan whersun nan taku.
C. 1. Nan Kernero: nan maperti gway ajam sija nan mangaan san whersun nan taku gway napuuyan san lasin nan ikawcha.
2. As Hesus: illagwacha hos as Hesus san lasin nan ili gway otojoncha ta aanona nan whersun nan taku (Hebreo 13:11-12)
- Mangwhajadcha san inggwacha lagwing an Apudyus (Lev 5:14-19; 7:1-7)
Imus 1: Ngachan nan ajamay ichatuncha tot mawhajachan nan whersucha?
Sungwhat: Nan la'i kernero gway punnorpunnor/maid kun sa'itna.
Imus 2: Ngachan nan oon nan taku san chatunna? Ngachan nan mapuuyanay chokan nan ischa san pagway nan sikay?
Sungwhat: Ijoyna an Apudyus. Isapakitcha nan chayana san losany chingching nan chachattunan. Puuyan nan pachi nan tawha, whatin ja tawhana, honog ancha sa'ab san chachattunan.
Imus 3: Ngachan nan pangkop nannaja chatun?
Sungwhat: Manchatuncha tot machayusancha san whersucha.
Imus 4: Ngachan nan nan'ayasincha san chatun gway chatun nan takuway wha'on kus ingkakayaay hummersu?
Sungwhat: Manisu gwon mitapi nan whajadna san nilabsingna gway lintog gway whilin Apudyus.
