NAN UKALI NAN IJISRAEL GWAY MANCHATUN (PART 2)

1. Manchatunchas ma
   '
   aanan nan whersucha (atonement) (Lev 1)

Imus 1: Ngachannaay ajam nan ichatuncha tot ma'aan nan whersucha?

Sungwhat: Toro gway wha'a, erching, mernus gway whayug ja kalapati.

Imus 2: Ngachan nan mangtoy san ajam gway michatun?

Sungwhat: Sija mangtoy nan takuway mangichatun.

Imus 3: Ngachan nan ooncha san chayan nan ajam?

Sungwhat: Isapakitcha san losanay chingching nan chachattunan.

Imus 4: Ngachan nan ooncha san longag nan ajam?

Sungwhat: Mapiliyay chokan nan ischa gway puuyancha ad impaischacha san pachi nan chokana.

Imus 5: Ngachan nan kapun nan mangichatunancha an Apudyus?

Sungwhat: Tot aanon Apudyus nan whersucha.

1. Nan somsomo
   '
   Apudyus sasan chatun nan ijIsrael (Oseas 6:6)

Sa'ad chanan ijIsrael nanchatuncha an Apudyus tan sija nan ingwhakana an Moises gwon achi kun napno' as Apudyus.

Imus: Kaman nilagwing Apudyus nan inggwacha nanchatun?

Sungwhat: Achi kus Apudyus masom san ahus yakay mapuuyanay chatuncha.

Sija whinayun Apudyus nan lajad ja patiyonchas sija nu nan chatuncha.

1. Nan anan Hesus san papachi (Mateo 9:10-13)

Imus 1: Ngachan nan agwad san somsomo' chanan Pariseo mipangkop an Hesus?

Sungwhat: Inamamangchas Hesus tan ummoy ni'ayut sasan manchachakup san hugwis ja chanan humersuwhersu.

Imus 2: Ngachan chanan Pariseo? Ngachan nan ukalicha?

Sungwhat: Chicha nan isun nan papachi gway ammancha isisi'na nan ininontaay manchatun san ingwhakan nan lintog Moises.

Imus 3: San ingwhakan Hesus ad patinajunay masom as Apudyus san chatun nan ijIsrael? Kaman?

Sungwhat: Ingwhakan Hesus an chicha gway sija whinayun Apudyus nan machakuta san asintatakuta nu nan chatun.

Imus 4: As osaay ijIsrael, ngachan nan napatog san ininonaay manchatun tot payagsa'onas Apudyus?

Sungwhat: Maserpu gway manchatun'a gway agwad nan whayuway somsomo'nu ja achaku ja lajadnu san asintatakum tot masom as Apudyus.

Ilan ta'u nan ukali ta'u nu agwad isun nan oon ta'u san oon chanan ijIsrael.

1. Nan naamung gway maacher mipangkup san chatun gway o
   '
   ooncha san chachaanay tuyag

1. Anna nan chatun gway ooncha san whinikat. (Hebreo 9:6)

2. Mamingsan san osa tagwon lumno' nan angatuwan gway pachi san ugwertu gway ma'gwaniyon Amod Nat'on as Ingkagwan Apudyus gway chachattunan ad nanchatun as sija san chaya tot aanon Apudyus nan whersun nan taku. (Hebreo 9:7)

3. Apudyus nan namili san angatuwanay pachi. (Hebreo 5:1-3)

4. Nan whayugwona anan nan chatun, ta ma'gwa nan tuyag gway ingwhakan Apudyus san taku ja ma'aanan nan whersun nan taku

5. Nan chatun gway ingwhakan Apudyus an Moises gway impa'gwana san ijIsrael wha'on kus sija nan mangaan san whersucha gwon sija nan mangisakana san somsomo'cha san umaliyan Hesus gway siija nan kadto'ay chatun. (Hebreo 9:9-10)

6. Nan chatun gway insuyun Moises ama ekas manomsom'an san whersu gwon achina kun aanon nan whersu. (Hebreo 10:3-4)

7. Nan nerrusay chatun gway insuyun Apudyus an Moises achina kun papor'ason nan taku as umachayug an Apudyus, tan achina kun aanon nan whersu.(Hebreo 10:1-2,11)

Return to Table of Contents