1. Nan man'uyangan nan chatun sa'ad nan ingwhilin Apudyus sasan ijIsrael gway chatuncha, achina kun aanon nan whersu. Nan inapatog nan manchatuncha ipaspasmo'na sasan taku nan whersucha. (Hebreo 10:3-4)
Imus 1: Ad aanona nan whersu nan chatun chanan Hudyu?
Imus 2: Ngachan nan inapatog nannachaja chatuncha?
Sungwhat: Ipaspasmo'na nan whersucha.
2. Nan terwhasun nan Angatuwanay Pachi: Sa'ad nan terwhasun nan Angatuwanay Pachi sija nan mansasa'usa' an Apudyus sasan taku (Hebreo 5:1-3)
Imus: Ngachan nan terwhasun nan angatuwanay pachi?
Sungwhat: Sija nan mangichatun san chatun nan whersu.
3. Nan nachutu'an gway angatuwanay pachi:
Nan angatuwanay pachi sa ijIsrael sija nan chinutu'an Apudyus. Ad isuna hos gway chinutu'an Apudyus as Hesus gway angatuwanay pachi (Hebreo 5:4-6)
Imus 1: Ngachan nan nanchutu' san angatuwanay pachin nan Hudyu san agwi?
Sungwhat: As Apudyus gway Ama.
Imus 2: Ngachan nan nanchutu' an Hesus gway nangngachan angatuwanay pachi?
Sungwhat: As Amana
4. As Hesus gway Angatuwanay Pachi: Ngachan nan nangngachanan Hesus gway angatuwanay pachi?(Hebreo 4:4-16)
Imus 1: Agwan nan ummajan Hesus?
Sungwhat: Langit
Imus 2: Kaman maagwatan Hesus nan inaapsut ta'u?
Sungwhat: Kapu tan napachasna hos gway masulisukan gway isu ta'u hos.
Imus 3: Ngachan nan hungan nan nasulisukan Hesus?
Sungwhat: Achi kun hummersu, inawha'na nan sulisug.
Imus 4: Kaman natuyod ta'uway umachayug an Hesus?
Sungwhat: Kapu san achakuna.
5. Nan Pangkop Hesus as oasay Angatuwanay Pachi:
Ngachan nan kapuway nangngachan Angatuwanay Pachi as Hesus? (Hebreo 2:14-15, 17-18
Imus 1: Ta tangkaana nan pigsan Satanas gway umtoy?
Imus 2: Ta aanona nan ogjat nan umogjat san otoy?
Imus 3: Ta whajachana nan whersu ta'u.
Imus 4: Tot whadngan chita'u nu masulisukan ta'u.
6. Nan terwhasun Hesus gway Angatuwanay Pachi:
Ngachan nan terwhasun Hesus gway Angatuwanay Pachi? (Hebreo 9:25-28)
Imus 1: Mamingsan lumno' san sintagwon nan angatuwanay pachin nan Hudyu san Ikaw gway ma'gwaniyon Amod Nat'on as Ingkagwan Apudyus gway chachattunan ad chayo' tot manchatun an Apudyus. Agwan nan nilumno'an Hesus gway Angatuwanay Pachi?
Sungwhat: Niluno' ad langit as sija.
Imus 2: Ilanjuud nu intapin Hesus inaya nan chayan nan ajam san ummajanad langit?
Sungwhat: Achi tan chayana nan inchatunna
Imus 3: Ngachan nan chayaay inagwit Hesus san ummajanad langit?
Sungwhat: Nan mismu longagna.
Imus 4: Ngachan nan inapatog nan chayan Hesus?
Sungwhat: Sija nan mangaan san whersu.
Imus 5: Nangimmana nichatun as Hesus?
Sungwhat: Namingsan
7. Nan nisikud gway chatun ja chatun Hesus:
Ad mijisu nan inchatchatun san agwi san nichatunan Hesus? (Hebreo 10:11-18)
Imus 1: Ngachan nan ina'uyang nan chatun chanan Hudyu gway michatun san inerkaw?
Sungwhat: Nan ina'uyangna achi kun ma'a'aan san whersu. Sija ekay oona nan ipasmo'na nan whersu.
Imus 2: Kaman ummoy na'atu'chu as Hesus an Apudyus ad langit?
Sungwhat: Kapu tan nerpas nan terwhasuna ad asna luta ja umanay nan nangichatunana san longagna san losanay chimpu.
Imus 3: Ngachan nan inapatog nan chatun Hesus sasan namati?
Sungwhat:Inggwana chanan namati an sija as maid kun uyangna.
Imus 4: Kaman audchijan nan inggwan Hesus gway chatun gway michatun an Apudyus?
Sungwhat: Kapu an sija na'aan nan whersu gway ingkaingkana ja sina'upna losan nan chatun san agwi.
Imus 5: Chita'uway namati an Hesus, kaman achi ta'u maserpuway manchatun san whersu ta'u?
Sungwhat: Achi ta'u kun mawhainay nan umachayug an Apudyus kapu tan inaanna nan whersu ta'u kapu an Hesu Kristu.
8. Hungan nan inggwan Hesus gway Angatuwanay Pachi:
Nan hungan nan terwhasun Hesus gway Angatuwanay Pachi (Hebreo 10:10-12)
Imus 1: Nu agwaton ta'u nan chatun Hesus, achi ta'u kuwon manchatun sasan ajam an Apudyus.
Nu mamati ta'u an Hesus ja agwaton ta'u nan chatunna, agwan nan ajan ta'u?
Sungwhat: Nibli ta'uway umachayug an Apudyus.
Imus 2: Ngachan nan Angatuwanay Pachi ta'u gway sija nan nangamung san ingkagwan Apudyus ad langit?
Sungwhat: As Hesus
Imus 3: Sa'ad as chita'uway nangagwat san chatun Hesus, ngachan nan ininon ta'u an Apudyus?
Sungwhat: Achi ta'u kun mawhainay umachayug an Apudyus kapu tan inaanna nan whersu ta'u kapu an Hesus.
Imus 4: Kaman achi ta'u kun mawhainay umachayug an Apudyus?
Sungwhat: Kapu tan nachayusan ta'u san whersu ta'u.
