A. Cain (Genesis 4:3-7)
Nannachaja chatun cha Cain an Abel annaja nan ummunaay chatun gway nilista gway na'gwa san agwi an Apudyus.
Imus 1: Ngachan nan inchatun Cain an Apudyus?
Sungwhat: Inchatunna nan uchumay hungan nan apitna.
Imus 2: Ngachan nan inggwan Cain san chatunna an Apudyus?
Sungwhat: Pinuuyana san whatuway chachattunan
Imus 3: Ngachan nan pangkop Cain san chatunna?
Sungwhat: Manjaman san apitna.
Imus 4: Ngachan nan kapuway nilagwing Apudyus nan chatun Cain?
Sungwhat: Lagwing nan somsomo' Cain an Apudyus gwon manchatun pay an sija.
B. Abel (Genesis 4:3-7)
Nan chatun Abel sawhali san chatun Cain sija nan sawhali hos nan na'gwa
Imus 1: Ngachan nan chatun Abel an Apudyus?
Sungwhat: Panguyu ana' nan ernilu gway maid kun sa'itna.
Imus 2: Ngachan nan inggwan Abel gway nangichatun an Apudyus?
Sungwhat: Inayana nan uchumay tawhan nan kernero kun pinuuyana san whatuway chachattunan.
Imus 3: Ad pinuuyana nan nanab'or gway longag nan kernero?
Sungwhat: Achi.
Imus 4. Ngachan nan kapuna gway kernero nan chatun Abel an Apudyus?
Sung: Inchatunna chi as manjamanana an Apudyus ja nangipailana san ustuway ma'ahubuyunana an Apudyus.
C. Noe (Genesis 8:20-22)
Nawhijag as Noe san lummaus nan chugwallihu tagwon san nerpas natoy cha Cain an Abel. Sa'ad nan taku san chimpun Noe nayu'ucha, sija nan initap Apudyus chicha as namalikat an chicha, kun ahus as Noe ja chanan ahumerjanna as nataku.
Imus 1. Lummagwa ku cha Noe ja chanan huhuyunna san papur, ngachan nan intoyna as inchatunna an Apudyus?
Sung: Sinnossa san gwaschi ayasin nan ingwhilangchaay por'asay ajam ja mammanu'.
Imus 2. Ngachan nan inggwan Noe gway nangichatun sannachaja ajam an Apudyus?
Sung: Intoyna as manchajagwancha an Apudyus, kun pinuuyana nan losan san chachattunan.
Imus 3. Ngachan nan kapuway inchatun Noe nannachaja ajam an Apudyus?
Sung: kapu tan whayugwoncha manjaman an Apudyus ja nangipailana san ustuway ma'ahubuyunana an Apudyus.
D. Abram: Part 1 (Genesis 12:4-8; 13:3-4)
Nawhijag as Abram as achu tagwon san nerpas natoy as Noe. Sa'ad chanan ailijana achicha kun tinuttuwa as Apudyus. Sija chinaychajawcha nan aju ja chanan whatuway kinaobchas whayangna. Ingwhakan Apudyus an Abram gway taynana nan ilina ad ummoy ad Canaan. Kun pinatin Abraham chi kun ummoy. Ad sa'ad nan inggwana ad Canaan nangipata'chor as chachattunan as manchajagwana an Apudyus as mampuuyana sasan ajam. Sa'ad cha Abram an asagwana maid kun ana'cha ja mummangorag ja mummudancha as amod.
Imus 1. Hummu'nag kus Abram ad Canaan, nampata'chors chachattunan as manchajagwana an Apudyus. Ngachan nan pinuuyana san chachattunan?
Sung: Maid kun niwhaka, chanan ajam nin.
Imus 2. Agwad ingwhakan nannaja whinasa ta'u nu ininona nanggwa sannaja chatun?
Sungwhat: Maid kun niwhaka, pinuuyana nin nan singhu'or.
Imus 3. Ngachan nan kapuway nampata'chors Abram as chachattunan as manchatunana san ajam an Apudyus?
Sung: Manjamanana ja mangipailana san ustuway ma'ahubuyunana an Apudyus.
E. Abraham: Part 2 (Gen 22:1-12)
Mummangorag kun ja mummadan cha Abraham an asagwana inatchan Apudyus chichas ana'cha gway mangngachan Isaac.
Imus 1: Ngachan nan pinangkop Abraham gway otojon as ichatunna an Apudyus?
Sungwhat: As Isaac gway osossa''anay ana'na.
Imus 2: Ininonaay mangichatun otjan an Isaac?
Sungwhat: Puuyana as Isaac san whatu inggwanaay chachattunan.
Imus 3: Ngachan nan kapuway ichatun Abraham as Isaac an Apudyus?
Sungwhat: Namatiyana san whilin Apudyus an sija.
F. Abraham: Part 3 (Gen 22:13-14)
Imus 1: Ngachan nan inchatun Abraham an Apudyus?
Sungwhat: La'iyay kernero
Imus 2: Ininonaay nangichatun san kernero an Appudyus?
Sungwhat: Pinuuyana nan nanab'or gway longag nan kernero.
Imus 3: Ngachan nan somsomo'na san nangichatunana san kernero?
Sungwhat: Nanjaman ja impailana nan ustuway ma'ahubuyunana an Apudyus.
