Ininonta gway mangipaagwat san ininop?
Nan ininop ma'ma'gwa san losanay taku san intiluway luhung. Gwaschi ukali san ili anna nan ininonchaay mangagwat san ininop ja ininonchaay mangipaagwat.
Imus 1: Aman nan ayasin nan ininop chanan takud asna?
Osa ayasi:ex. napu'aw (sleep walk, shouting)
Mi'adgwa ayasi: ininop gway umawhat nan ajam, meaning :warning that some will be sick or die, what to do : butcher animal in the dream/go to medium
Mi'atlu ayasi: dream on tribal ( purpose: revenge), no body interprets
Mi'apatay ayasi: tumajapta
Imus 2: Ngachanna sannachajaay ininop nan umoycha mananap as mangipaagwat san whayugwona anan?
Imus 3: Ngachanna ayasin nan mipaagwatana sannachaja ininop nan manisisu nan whayugwona anan? Ngachan nan somsomo'ju nu nanininop aju?
Imus 4: Kaman napatog gway patiyonju nan whayugwona anan nan ininopju? Nu agwatna, ngachan nan ma'gwa nu achiju patiyon nan whayugwona anan?
Imus 5: Ngachan nan iwhakan nan ukali ta'uway merpugwan nan gwaschi ininop? Nu agwatna, nerpu an Apudyus nan ininop gwinnu nerpu san uchum.?
Ininon Ta'u mangakammu nu agwan nan merpugwan nan ininop?
Whasaon ta'u san Job 33:14-15; Aramid 2:17 (Joel 2:28)
Imus 1: Agwan nan merpugwan nan uchumay ininop?
Sungwhat: Ispilitun Apudyus
Whasaon ta'u san Deut 13:1-5; Jer 23:25-32; Zac 10:2
Imus 2: Agwan nan merpugwan nan uchumay ininop?
Sungwhat: Wha'on kus kadto'ay profeta, merpu san sinang'apudyus, mammadtu, chanan mangipaagwat sasan ininop.
Whasaon ta'u san Ecl :3; 126:1
Imus 3: Nan uchumay ininop kakangayna, wha'on kus maserpuway nerpu an Apudyus gwinnu Satanas. Ngachan nan ingwhakan nan Eclesiastes gway kapun chanan ininop?
Sungwhat: Angsan nan som'osom'on ja apsut nan somsomo'naay taku.
Ininop gway merpu an Apudyus
Whasaon ta'u san Job 33:14-18; Numero 12:5-6
Imus 4: Ngachan nan uchumay kapu ma'aapapatan Apudyus sasan taku san ininop?
Sungwhat: Gwerningna an chicha san lagwingay o'ooncha, tot obsoncha nan somsomo'cha, tot achi mamangyog nan somsomo'cha ja tudtuchugwana chicha.
Whasaon ta'u san Mateo 1:20; Aramid 9:10; Aramid 10:11
Imus 5: Ngachan nan uchumay kapun nan ma'aapapatan Apudyus sasan taku san ininop?
Sungwhat: Ingwhakana nan mijana'an Hesus. Iwhakana nan mipangkop san matakuwan.
San ukali ta'u: Patinajunay papagwatan Satanas as Apudyus tot sissijaay mangwa ta'u san lagwing. Mawhalinay mangatod as Apudyus as whilinna san ininop. Sa'ad ahos as Satanas ja nan pasuyutna mangatodcha hos as whilincha san ininop.
Imus 6: Ngachan nan uchumay whilin gway inagwat chanan taku ad asna san ininop? Ininonju mangiwhaka nu nerpu an Apudyus nannachaja whilin gwinnu nerpu an Satanas?
Whasaon ta'u san Gen 20:3; Mateo 27:19
Imus 7: Ngachan chanan ijachin Apudyus sannachaja bersikulu?
Sungwhat: Mamuwhai ja mallaya'i, u'umonta nan maid whersuna taku san chachalluman.
San ukali ta'u: Patinajunay usayon Satanas nan ininop tot ijachina nan uchumay oon chanan taku.
Imus 8: Ngachan chanan whilin gway inagwatju san ininop gway ijachin Satanas gway oonju? Ininonju mangiwhaka nu nerpu an Apudyus nan whilin gwinnu nerpu an Satanas?
Whasaon ta'u san Gen 40:16-22
Imus 9: Ngachan nan gwerning Apudyus san mamanggwa san tinapay san ininopna?
Sungwhat: Pakungsurn nan Ali nan wha''agna ad inigkana san pagpag nan kulipu nan longagna.
San ukali ta'u: Usayon ahos Satanas gway mawwerning sasan taku san mipangkop san whayangna.
Imus 10: Ngachan nan uchumay gwerning gway inagwatju san ininopju? Ininonju mangiwhakaay nerpu an Apudyus gwinnu nerpu an Satanas?
Sungwhat: Nu agwatna ininponju nan umoy mangwhijasi ja agwad na'gwa as lagwing achiju kun ituyuy gway mangwhijasi.
Whasaon ta'u san Gen 28:12-15; Uk-ukom 7:9-14
Imus 11: Impapigsan Apudyus nan takuna san gwaschi ininop gway annachaja. Ngachan nan ingwhakan Apudyus?
Sungwhat: Ingwhakana sasan takunaay ipatungpercha nan pangkopna.
Whasaon ta'u san 1 Ar-ari 3:5-15
Imus 12: Ngachan nan na'aapapatan Apudyus sannaja ininop ja kaman ma'aapapat as Apudyus an sija?
Sungwhat: Ali Solomon. Kapu tan pinachas Apudyus as Solomon nu sija inchawna nan inawha'nang gwinnu otojona chanan ahursuna.
San ukali ta'u: Isuna hos gway ususayon Satanas nan ininop gway mawwerning sasan taku.
Imus 13: Ininon Satanas ja chanan pasuyutna gway mawwerningt sasan taku san ininop? Ngachan nan iwhakan Satanas gway achin chanan taku oon? Ininonju mangakammu nu nerpu an Apudyus nannachaja ininop gwinnu nerpu an Satanas?
Whasaon ta'u san Gen 37:5-10; 41:15-32; Daniel 2:26-45
Imus 13: Sannachaja ininop inusern Apudyus nan ininop gway mangiwhaka san ma'gwa san umaliyay chimpu. Ngachan nan ingwhakan Apudyus gway ma'gwa san umali erkaw?
Sungwhat: Nan ingwhakan Apudyus nan whayu ja lagwing gway ma'gwa.
San ukali ta'u : Inusern ahos Satanas ja chanan pasuyutna nan ininop gway mangiwhaka sasan taku san ma'gwa san umaliyay chimpu.
Imus 14: Ngachanna ayasin nan ma'gwa san umali erkaw gway ingwhakan Satanas an cha'aju san ininop? Ininonju mangakammu nu nerpu an Apudyus nannachaja ininop gwinnu nerpu an Satanas
Whasaon ta'u san Gen 37:5-10
Imus 15: Nu manininpon Apudyus chanan takuna, maawwatan. Ngachan chanan ininopay inatod Apudyus an Josep ja ngachan nan nangipaagwat?
Sungwhat: Ininop Josep nan susunudna ja nan amana gway umoycha mampalintumong an sija.
Whasaon ta'u san Mateo 2:13-14, 19-21
Imus 16: Nu manininpon Apudyus chanan takuna, maawwatan. Ngachan nan inatod Apudyus an Josep gway ininop? Ad maserpu mananap as mangipaagwat?
Sungwat: Ingwhakan Apudyus an Josep gway ijagwidcha as Hesus san uchumay ili ta achin Ali Herod paotoy as sija.
Whasaon ta'u san Daniel 2:26-45
Imus 17: Nu manininpon Apudyus nan wha'on kus takuna, usayona nan takuna gway mangipaagwat san ininop. Ngachan nan inusern Apudyus gway nangipaagwat san ininop
Sungwhat: Josep.
San ukali ta'u: Usayon ahos Satanas chanan taku gway mangipaagwat sasan ininop.
Imus 18: Ngachan nan mangipaagwat san ininopju ad asna? Ininonju mangakammu nu nerpu an Apudyus nan ininop gwinnu nerpu an Satanas
Whasaon ta'u san Mateo 2:13-14, 19-21
Imus 19: Ngachan nan hungan nan ininop gway inatod Apudyus?
Sungwhat: Illisiyan Josep nan matojan nan ana'na.
San ukali ta'u:
Imus 20: Ngachan nan hungan nan ininopju? Ngachan nan kutu' nan ininop san whijagjuway namati an Hesus? Ngachan nan takuway mangipaagwat san ininopju? Ad umogjat aju nu manininop aju? Ngachan nan umogjatanju? Ininonju mangakammu nu nerpu an Apudyus nan ininopju gwinnu nerpu an Satanas.
Annaja nan wha'on kus kadto'ay pammati
** Nu tumuttuwa nan ininop nerpu an Apudyus.. Wha'on kus tuttuwa: Mawhalinay merpu an Satanas
** Nu a'oogjat nerpu an Satanas Wha'on kus tuttuwa: Mawhalinay merpu an Apudyus
Ngachan nan oon ta'u mipangkop san ininop?
- Maserpu maagwatan ta'u nu ngachan nan pammatin chanan umili ta'u mipangkop san ininop.
- Ilan ta'u nan ukud Apudyus nu ngachan nan anana mipangkop san ininop.
- Suyuwan ta'u nan uchum nu ininonchaay mangakammu nu agwan nan merpugwan nan ininop.
- Suyuwan ta'u chicha tot akammugwoncha nan inayachaay ayobhongan nerpu an Hesu Kristu.
- Suyuwan ta'u chicha nu ininonchaay mamerjaw kapu san lugwayu nan lagwingay ininop.
Ngachan nan oonta mipangkop san ininop gway merpu an Satanas ja chanan huhuyunna.
- Perjagwon ta'u san lugwayu nan lagwingay merpugwan nan ininop.
- Iwhawhagwita nan whersuta.
- Ochagwonta an Apudyus nan ininontaay mangagwat san ininop.
- Ochagwonta an Apudyus gway whantajan chita san mangano''an Satanas ja nan huhuyunna an chita.
