Nan ininop gway merpu an Apudyus,
|
Nan ininop gway merpu an Satanas,
|
Nan pangkop Apudyus san ininop |
Nan pangkop Satanas san ininop |
|
1. Mangiwhilin gwinnu agwad pa'gwana nan whayugwona pa'gwa |
1. Whilin gway sumumki san whayugwon Apudyus. |
|
a. Agwad pa'gwana - Ingwhilin Apudyus an Jose gway asawwona as Maria, Mateo 1:20 - Ingwhilinna an Ananias gway umoy an Pablo, Aramid 9: 10-11 - I'a gway whagwhagwona chichaay wha'on kus Hudyu, Aramid 10:11-13 |
a. Ma'gwa - ilugwayucha nan matoy - manchatuncha - mangasagwa san achi kun namati |
|
b. Nan ijachin Apudyus - Abimelec: achina ayan as asagwana as Sarah, Gen. 20:3 - Asagwan Pilato: achi kun mitapi as Pilato mipangkop san mangtojancha an Hesus, Mateo 27:19 |
b. Uchum gway ijachin nan ininop - achi'a mamati an Apudyus - ijakaynu mansilwhi an Apudyus |
|
2. Gwerning (otoy) - Ininop nan mamanggwas tinapay ja mangallugwaki san anon nan Ali, Gen. 40. |
2. Gwerning (otoy) - ngangasa - ininop san natojay apu |
|
3. Mampawhayu san somsomo' - Ininop Jacob gway inilana nan erchan gway ummoy ad langit, Gen. 28:12 - Ummogjat nan ayawhan, aajam gwinnu Satanas, Judges 7:13 - Miligtas as Pablo, Aramid 27:23
|
3. Gwerning Satanas - paijakayna gwinnu ipakino' cha'a gway mansilwhi an Apudyus - paijakayna gwinnu ipakino' cha'a gway mangwhasa san Bibliya - paijakayna gwinnu ipakino' cha'a gway umoy ma'akimung san singwhaan
|
|
4. Miwhaka nan ma'gwa san umali erkaw. - Ininop Josep nan achu gway hotoi nan kerkergwit gway nan whayugwona anan ma’gwa ituyajana nan susunudna, Gen. 37:7 - Ininop nan Faraon(Ali) nan wha'a ja ka'aw gway whayugwona anan ma’gwa agwad uyat gway humu'nag, Gen. 41 - Ininop Nebucadnesar: tagtagku, Daniel 2 |
4. Iwhakana nan ma'gwa san umaliyay erkaw - numbern nan suker - ipaspasmo'na nan sapatan san ayan - mangituchu san nataya' gway whanag isun nan kaman, whayangna |
Whayugwona anan nan ininop gway merpu an Apudyus- lanuy as maagwatan (As Apudyus achi kun mansilib) - maid kun ukalin Apudyus gway mangitayu san tuttuwa - maatchan as payagwag nan takun Apudyus - maanapan san Bibliya |
Whayugwona anan nan ininop gway merpu an Satanas- Maserpu agwad nan mangipaagwat isun nan maniila - Lagwingon Satanas gway maakammugwan gway sija na merpugwan nan ininop - Ipaagwat nan achi kun namati |
Nan hungan nan ininop gway merpu an Apudyus- Patiyon as Apudyus – machajaw as Apudyus - Pumigsa nan mantayo'an an Apudyus - Apudyus nan mansachakan - Mangatod as terna ja mampapigsa san somsomo' tot ma'gwa nan terwhasun Apudyus |
Nan hungan nan ininop gway merpu an Satanas- Nan panu'chon nan ininop, Satanas nan mapachajagwan tan nan pammati ta'u wha'on kus ahus an Apudyus - Nan pammati agwad san ininop ja kasat - Umingsa nan mansachakan san mangipaagwat - Ogjat
|
Manisissu nan pangkop nan ininop nan Bibliya ja na ukali ta'u.
Ad inonon ta'u mangakammun nu nerpu an Apudyus gwinnu an Satanas.
Sungwhat: Ilan ta'u nu nan ininop ta'u umannatup san ukud Apudyus; nan Ispilitun Apudyus gway mangisuyu an chita'u.
